អ្នកម្ដាយដ៏កម្សត់ធ្វើដំណើរយ៉ាងលំបាកក្នុងចំណាយផ្លូវរាប់សិបគីឡូម៉ែត្រ ព្រោះតែធ្វើរឿងម្យ៉ាងសម្រាប់កូនស្រី

បើនិយាយពីក្ដីស្រលាញ់ដែលលោកឪពុកអ្នកម្ដាយមានចំពោះបុត្រធីតាវាពិតជាធំធេងខ្លាំង ព្រោះពួកគាត់បានចំណាយទាំងកម្លាំងកាយ កម្លាំងចិត្ត ទាំងពេលវេលា ទាំងថវិកាដើម្បីចិញ្ចឹមបីបាច់បុត្រធីតាអោយធំដឹងក្ដី ហើយទោះជាឃើញថាកូនធំហើយមានក្ដីពួកគាត់នៅតែគិតខ្វាយខ្វល់ពីសុខទុក្ខគ្រប់ពេលវេលាជាពិសេសសម្រាប់់កូនៗដែលនៅឆ្ងាយពីពួកគាត់ ជាក់ស្ដែងក្នុងវីដេអូដែលដកស្រង់ចេញពីសាច់រឿងពិតមួយ វាចាប់ផ្ដើមជាមួយអ្នកម្ដាយដ៏កម្សត់ម្នាក់ដែលមកដល់ផ្ទះកូនស្រីក្នុងទីក្រុងជាមួយស្ថានភាពទទឹកជោគ ដៃកាន់មាន់មួយក្បាលនិងបន្លែមួយចំនួន ហើយអ្នកដែលជួនគាត់មកជាប៉ូលីសមួយរូប ។ពេលដល់ផ្ទះរឿងដែលធ្វើក្រោយពេលសម្រាកនោះគឺគាត់ចាប់ផ្ដើមចម្អិនអាហារដែលគាត់ត្រៀមសម្រាប់កូននិងចៅស្រីរបស់គាត់ តែយ៉ាងណាឃើញថាសកម្មភាពនៃការចម្អិនអាហារគាត់មើលទៅសភាពលំបាកទោះជាមានជំនួយពីកូនស្រីក៏ដោយចុះ ក្រោយអាហាររួចរាល់ចៅស្រីហាក់ញាំុវាទាំងលំបាកព្រោះអាហារនោះស្ថិតសភាពមិនសូវជាល្អហើយរសជាតិក៏ប្រៃថែមទៀត ។យ៉ាងណាស្អែកឡើងអ្នកម្ដាយកម្សត់ក៏ត្រលប់មកវិញទោះជាកូនស្រីបានព្យាយាមឃាត់ក៏ដោយចុះ ដោយសារការសង្ស័យទង្វើខុសប្លែករបស់អ្នកម្ដាយកន្លះខែក្រោយកូនស្រីបានមកដល់ស្រុកកំណើត ពេលចូលដល់ផ្ទះហៅអ្នកម្ដាយស្រាប់តែនាងរន្ធត់ចិត្តស្ទើរស្រក់ទឹកភ្នែកនោះគឺអ្នកម្ដាយងើបពីកៅអីុមករកនាងជាមួយសកម្មភាពរាវ ព្រោះតែភ្នែករបស់គាត់មើលលែងឃើញទៅហើយ ។